Btukfyl

Робот — ул катлаулы гамәлләр сериясен автоматик рәвештә ясарга сәләтле, бигрәк тә санак тарафыннан программаланучы машина. Роботлар читтәге идарә җайланмасы тарафыннан юнәлтелергә мөмкин яки эчендә корылган идарә булырга мөмкин. Роботлар кеше формасында конструкцияләнергә мөмкин, әмма күпчелек роботлар аларның кыяфәте нинди булуга карамастан биремне үтәү өчен конструкцияләнгән машиналар. Тормыштагы сыман кыяфәт мимикасы яки автоматик хәрәкәтләр ярдәмендә робот акыл хисен яки фикерен чагылдыра ала.

Роботларның куллануы, эшләве, төзүе һәм конструкциясе өстендә, һәм шулай ук аларның идарәсе, сенсор кире бәйләнешен һәм мәгълүмат эшкәртү санак системалары белән эшләүче технология тармагы робототехника дип атала. Бу технологияләр куркынычлы мохиттә яки җитештерү процессларында кеше урынына эшли ала торган, яки кыяфәт, үз-үзен тотуы һәм/яки аңлауда кешегә охшый торган автоматик машиналар белән эш итә.

Электроника 1948 елда Англиядә Уильям Грэй Уолтер ясаган беренче электроник автоном роботлар ясау белән үсешнең әйдәп баручы көченә әйләнә. Беренче санлы һәм программаланучы робот 1954 елда Джордж Девол тарафыннан уйлап чыгарыла һәм Unimate дип атала. Ул 1961 елдан General Motors заводларында басым астында кою машиналарыннан кайнар металл кисәкләрен күтәрү өчен кулланылган. ↪ Дәвамы

Брауншвейг (алман. Braunschweig) — Төньяк Алманиянең Түбән Саксония федераль җирендә урнашкан шәһәр. Брауншвейг халык саны буенча Түбән Саксониянең Ганновердан кала икенче зур шәһәре булып тора: 2015 елның 31 декабренә шәһәр халкы саны 252 768 кеше тәшкил итә. Брауншвейг Вольфсбург һәм Зальцгиттер шәһәрләре белән бергә Түбән Саксония җиренең тугыз оберүзәгенең (de) берсен хасил итә.

Брауншвейгның килеп чыгышы IX гасырның башына барып тоташа. Генрих Лев идарәсе вакытында шәһәр аеруча тиз үсте һәм XIII гасыр уртасыннан Ганза сәүдә берләшмәсенә кергән күәтле һәм абруйлы сәүдә үзәгенә әверелде.

1918 елның ноябренә кадәр шәһәр Брауншвейг герцоглыгының башкаласы була. Ноябрь революциясе һәм герцогның тәхетеннән ваз кичүеннән соң Брауншвейг республикасы башкаласы була. 1946 елда Түбән Саксония җиренә керә.

Хәзерге вакытта Брауншвейг төбәге - Ауропадагы мөһим белем бирү һәм фәнни үзәге. Ауропа берлегендә 2007 нче елдан башлап Брауншвейг фәнни-техник тикшеренүләр һәм эшләнмәләр аеруча интенсив рәвештә үткәрелә торган төбәкләренең берсе. Фән үсеше өчен фондлар оештыручылар берләшмәсе Германиядә 2007 елда Брауншвейгка "Фән шәһәре" дигән мауктаулы исем бирде. ↪ Дәвамы

• 
  Идегәйнең Мәскәүне камавын Тарковский «Андрей Рублёв» фильмында күрсәтә.


• 
  ССРБ гәҗитләренең зурлыгы тематикага һәм статуска бәйле була.


• 
  Айда урнашкан бердәнбер һәйкәл алюминийдан эшләнгән.


• 
  Карелиядә табылган петроглифларга — 5,5 мең ел.


• 
  Украин фольклорында татар кенәзлегенә нигез салучы образы бар.


• 
  Вьетнам музеенда дөньяда иң күп Чам халкы сыннары тупланган.


• 
  Бөекбритания тораташларының иң зурысының авырлыгы — 40 тонна.


• 
  Татар әбисе-суперстар җырчы карьерасын 72 яшендә башлап җибәрә.


• 
  Мариларның ышанулары һәм Һинд дине арасында параллельләр үткәреп була.


• 
  Борынгы фарсы шәһәре көчле җир тетрәүгә чыдарлык итеп төзелгән.


• Дөньяда бердәнбер тулы бер фәнни мәктәпнең мемориаль музее — Казанда.

Аргентинада фотожурналистлар көне, Мексикада биологлар көне, Мисырда полиция көне, Русия Федерациясендә студентлар көне, һ.б.

Вакыйгалар

• 
  1755 — Мәскәү университеты оештырыла.


• 
  1919 — Милләтләр лигасы оештырыла.


• 
  1955 — Советлар Союзы Алманиягә каршы сугыш мөнәсәбәтеннән чыга.

Туулар

• 
  1759 — Роберт Бернс, Шотландия шагыйре.


• 
  1874 — Сомерсет Моэм, инглиз язучысы.


• 
  1923 — Фәһим Фәсхетдинов, сынчы, Татарстанның атказанган сәнгать эшлеклесе.


• 
  1938 — Владимир Высоцкий, рус шагыйре, актёр.

Вафатлар

• 
  1982 — Михаил Суслов, Совет союзы сәясәтчесе (т.1902 ел).


• 
  2016 — Наил Шәйхетдинов, театр актеры, Русиянең һәм Татарстанның халык артисты.

Өмә